बिष्णु कुमार आले, अर्घाखाँची ।
गोरूसिङगे सन्धिखर्क सडकखण्डको सितापुर सुपादेउराली मन्दिर नजिकै बिहिबार जीप दुर्घटना हुदा २ जनाको घटनास्थलमै मृत्यु भएको छ ,भने १ जनाको ठाडा प्राथमिक स्वास्थ्य केन्द्रमा उपचारको क्रममा मृत्यु भएको छ । दुर्घटनामा परि ४ जना गम्भीर घाईते भएका छन् । मृत्यु हुनेमा अर्घाखाँची भुमिकास्थान ३ धारापानीका जिप चालक ५५ बर्षिय सुमन्त भुसाल र मालारानी ३ गुनाखर्क का ३७ बर्षिय रूद्र प्रसाद भुसाल रहेका छन् भने अन्य १ जनाको सनाखत हुन सकेको छैन । कपिलवस्तुको कृष्णनगर बाट सन्धिखर्क जाँदै गरेको लु १ ज १३२९ नम्बरको जिप सडकबाट झन्डै ५ सय मिटर तल भिरबाट खसेर दुर्घटना ग्रस्त भएको छ । शवलाई अहिले पोष्टमाट्मका लागि जिल्ला अस्पताल सन्धिखर्क लगीएको छ । घाईते ४ जनाको प्राथमिक स्वास्थ्य केन्द्र ठाडामा प्राथमिक उपचारपछि थप उपचारका लागि मेडिकल कलेज भैरहवामा लगिएको छ । घाईते हुनेमा कपिलवस्तु बुद्धभुमी १ कि ४५ बर्षिय गोमा खड्का , अर्घाखाँची मालारानी ३ का देवप्रसाद भुसाल र ईश्वरी प्रसाद भुसालको परिचय खुलेको छ भने अन्य घाईतेको नाम ठेगाना खुल्न सकेको छैन । दुर्घटना बारे खुल्न सकेको छैन ।
यो पनि पढ्नुहोस्
अर्घाखाँचीको सुपा देउरालीमा जिप दुर्घटना २ जनाको मृत्यु ५ घाईते
प्रतिक्रिया