अर्घाखाँचीको सुपा देउरालीमा जिप दुर्घटना २ जनाको मृत्यु ५ घाईते

बिष्णु कुमार आले असार, अर्घाखाँची ।
ग‍ोरूसिङगे सन्धिखर्क सडकखण्डको सितापुर सुपादेउराली मन्दिर नजिकै केही बेर अघि जिप दुर्घटना हुदा २ जनाको घटनास्थलमै मृत्यु भएको छ । दुर्घटनामा परि ५ जना गम्भीर घाईते भएका छन् । मृत्यु हुनेमा जिप चालक सन्धिखर्कका सुमन्त भुसाल रहेका छन् भने एक जनाको सनाखत हुन सकेको छैन । कपिलवस्तुको कृष्णनगर बाट सन्धिखर्क जाँदै गरेको लु १ ज १३२९ नम्बरको जिप सडकबाट झन्डै ५ सय मिटर तल भिरबाट खसेर दुर्घटना ग्रस्त भएको छ ।
घाईते ५ जनाको प्राथमिक स्वास्थ्य केन्द्र ठाडामा प्राथमिक उपचार भैरहेको छ । घाईते सबैको अवस्था गम्भीर रहेकाले प्राथमिक उपचार पछी थप उपचारका लागि बुटवल ल्याउने तयारी भैरहेको छ । दुर्घटना बारे खुल्न सकेको छैन । घटनाको थप बिवरण आउन बाँकी रहेको छ ।