अर्घाखाँची जीप दुर्घटना (अपडेट) मृतकको संख्या ३ पुग्यो

बिष्णु कुमार आले असार, अर्घाखाँची ।
ग‍ोरूसिङगे सन्धिखर्क सडकखण्डको सितापुर सुपादेउराली मन्दिर नजिकै भएको जीप दुर्घटनामा मृतकको संख्या ३ पुगेको छ । जीप दुर्घटनामा २ जनाको घटनास्थलमै मृत्यु भएको र एक जनाको ठाडा प्राथमिक स्वास्थ्य केन्द्रमा उपचारको क्रममा मृत्यु भएको हो । दुर्घटनामा परि ४ जना गम्भीर घाईते भएका छन् । मृत्यु हुनेमा जीप चालक सन्धिखर्कका सुमन्त भुसाल रहेका छन् भने अन्य २ जनाको सनाखत हुन सकेको छैन । कपिलवस्तुको कृष्णनगर बाट सन्धिखर्क जाँदै गरेको लु १ ज १३२९ नम्बरको जीप सडकबाट झन्डै ५ सय मिटर तल भिरबाट खसेर दुर्घटना ग्रस्त भएको छ । घाईते ४ जनाको प्राथमिक स्वास्थ्य केन्द्र ठाडामा प्राथमिक उपचार भैरहेको छ । घाईते सबैको अवस्था गम्भीर रहेकाले प्राथमिक उपचार पछी थप उपचारका लागि बुटवल ल्याउने तयारी भैरहेको छ । दुर्घटना बारे खुल्न सकेको छैन । घटनाको थप बिवरण आउन बाँकी रहेको छ ।