बुटवल ।
रुपन्देहीको निर्वाचन क्षेत्र नम्बर ३ बाट निर्वाचित सांसद दीपक बोहराको पार्थिव शरीर भैरहवा ल्याइएको छ ।
मंगलबार बिहान काठमाडौँको ओम अस्पतालमा उपचार क्रममा उनको निधन भएको थियो । उनको शव गृहनगर भैरहवामा ल्याई सिद्धार्थनगर नगरपालिका परिक्रमा गरेर अहिले बोहरा निवास राखिएको छ।
श्रद्धाञ्जलिका लागि मंगलबार उनको शव आफ्नै निवास (पार्टी कार्यालय) मा राखिने र भोलि बुधवार बिहान काठमाडौँस्थित पार्टी केन्द्रीय कार्यालयमा श्रद्धाञ्जलिका लागि राखेर आर्यघाटमा अन्तिम संस्कार गरिने जनाइएको छ । भैरहवामा बोहरा निवास र पार्टी कार्यालय एउटै कम्पाउन्डभित्र छ ।
राष्ट्रिय प्रजातन्त्र पार्टी रुपन्देहीका उपाध्यक्ष अजय कुमार गुप्ताका अनुसार अन्त्येष्टिका लागि पार्थिव शरीर पुनः काठमाडौँ लगिने भएको हो ।
प्रतिक्रिया