२१ चैत्र २०८१, शुक्रबार | Fri Apr 4 2025

कपिलवस्तुमा आगलागीः काट्न तयार २ सय क्विन्टल गहुँ जलेर नष्ट



कपिलवस्तु ।

कपिलवस्तुको शुद्धोधन गाउँपालिका ३ ठुलो सिसहानियामा सोमबार दिउँसो आगलागी हुँदा ७ बिघामा लगाइएको गहुँबाली जलेर नष्ट भएको छ ।

कम्बाईनले गहुँ स्याहार्ने क्रममा एक्कासी गहुँ खेतमा आगलागी भएको थियो । आगोले स्थानीय १५ किसानको १ सय ९८ क्विन्टल गहुँबाली नष्ट भएको ईलाका प्रहरी कार्यालय पकडीले जनाएको छ । कम्बाईनले गहुँ स्यहार्नेक्रममा खेतमा एक्कासी आगो लागेको ईलाका प्रहरी कार्यालय पकडीका प्रहरी निरीक्षक कमल क्षेत्रीले बताए ।

ठुलोसिसनिया र महतिनीया बस्ने महिबुदीन मुसलमान, नैतुल्ला मुसलमान, हकिकुल्ला मुसलमान, मैगुल्ला मुसलमान, ईनामुल्ला मुसलमान, कलाम मुसलमान, कनैया चमार, गम्मा पासी, भुसई पासी, घरभरन पासी, बिनोद पासी, गोबिन्द हरीजन र रामलगन पासी को अन्दाजी ७ बिघा खेतमा लगाएको गहुँ जलेको हो ।

गोविन्द हरिजनको खेतमा कम्पाईन मेसिनले गहुँ काटिरहेको अस्थामा एक्कासी आगलागी भएको हो । कपिलवस्तु नगरपालिकाबाट गएको दमकल, प्रहरी र स्थानीयबासीको सहयोगमा आगो नियन्त्रणमा आएको थियो ।

आगलागीबाट कुनै मानवीय क्षति नभएको प्रहरीले जनाएको छ । घटनामा सोधपुछका लागि कम्बाईन धनी र चालक तथा एक जना कृषकलाई नियन्त्रणमा लिइएको प्रहरी निरीक्षक क्षेत्रीले बताए ।

प्रकाशित मिति : १७ चैत्र २०८१ सोमबार ००:००  ७ : ३४ बजे