२१ चैत्र २०८१, शुक्रबार | Fri Apr 4 2025

विजयनगरमा भएको आगलागीबाट १७ घर जलेर नष्ट, ६७ लाख बढीको क्षति



कपिलवस्तु ।

कपिलवस्तुको विजयनगर गाउँपालिका(७ परसोहियामा भीषण आगलागी भएको छ । शुक्रबार दिउँसो करिब ३ बजेतिर भएको आगलागीले १७ घर पूर्ण रुपमा जलेर नष्ट भएको इलाका प्रहरी कार्यालय गणेशपुरले जनाएको छ ।

७ नम्बरका वडा अध्यक्ष दिनेश कुमार चौधरीका अनुसार आगलागीले खाद्यान्न, लत्ताकपडा, गरगहना नगद गरि ६७ लाख बढीको क्षति भएको छ । पूर्ण घर क्षति बाहेक ३ ओटा भान्साकोठा, ३ ओटा गोठ र भान्सागोठ गरी २ ओटा भत्केको उनले बताए ।

केतारे खटिकको २ ओटा पाडापाडी जलेर घाइते भएको उनले बताए । उनले १८ हजार रुपैयाँ नगद जलेको जनाएका छन् । ३३ बालबालिकाको शैक्षिक सामग्री जलेर नष्ट भएको उनको भनाइ छ । आगलागीबाट २ सय जना २९ जना प्रभावित भएका छन् । जसमा सुत्केरी १० जना, महिला ९५ जना, पुरुष ९१ जना र बालबालिका ३३ जना आगलागीबाट प्रभावित भएका छन् ।

आगलागी भएको कारण खुल्न नसकेको र मानवीय क्षति नभएको इलाका प्रहरी कार्यालय गणेशपुरले जनाएको छ ।

प्रकाशित मिति : १५ चैत्र २०८१ शनिबार ००:००  ११ : १८ बजे