काठमाडौं ।
इन्डियन प्रिमियर लिग (आइपीएल) मा गुजरात टाइटन्सलाई घरेलु मैदानमा हराउँदै पञ्जाब किङ्सले जित निकालेको छ। पञ्जाबले गुजरातलाई ११ रनले पराजित गरेको हो।
अहमदाबादस्थित नरेन्द्र मोदी स्टेडियममा टस हारेर ब्याटिङ गरेको पञ्जाब किङ्सले २४३ रन बनाएको थियो ।
पञ्जाबले दिएको २४४ रनकोे वीजयी लक्ष्य पछ्याएको गुजरात टाइटन्सले निर्धारित २० ओभरमा ५ विकेट गुमाउँदै २३२ रन बनायो ।
अन्तिम ओभरमा २७ रन चाहिँदा पञ्जाबका बलर अर्शदिप सिंहले २ विकेट लिँदै गुजरातबाट खेल पञ्जाबको पक्षमा सारेका हुन् ।
गुजरातका लागि ओपनर साई सुदर्शनले सर्वाधिक ७४ रनको पारी खेले । उनले ४१ बलमा ५ चौका र ६ छक्का प्रहार गरे । पहिलो विकेटका लागि कप्तान सुभ्मन गिलसँग ६१ रनको साझेदारी गरेका उनले दोस्रो विकेटका लागि जोस बटलरसँग ८४ रनको साझेदारी बनाउँदै गुजरातको खेल सानदार बनाएका थिए ।
कप्तान शुभ्मन गिल १४ बलमा ३३ रन बनाउँदै क्याच आउट भएका थिए । जोस बटलरले ५४ रनको अर्धशतकीय पारी खेले । सर्फान रदरफोर्डले ४६ रन बनाउँर्द बोल्ड आउट भए । शाहरुख खान र अर्सद खान क्रमशः ६ र १ रनमा अविजित रहे ।
पञ्जाबका लागि बलिङ तर्फ अर्शदिप सिंहले सर्वाधिक २ विकेट लिए । मार्को जेन्सेन र ग्लेन म्याक्सवेलले समान १–१ विकेट लिए ।
त्यसअघि पहिलो इनिङ्समा ब्याटिङ गरेको पञ्जाबले निर्धारित २० ओभरमा ५ विकेट गुमाउँदै २४३ रन बनाएको थियो ।
पञ्जाबका लागि कप्तान श्रेयस अय्यरले सर्वाधिक ९७ रनको अविजित पारी खेले । उनले ४२ बलमा ५ चौका र ९ छक्का प्रहार गरेका हुन् ।
ओपनर प्रियाशं अर्याले ४७ रन बनाउँदा अर्का ओपनर प्रविशिमरन सिंह ५ रनमै पेधेलियन फर्किएका थिए ।
अज्मतुल्लाह ओमराजीले १६, मार्कस सोटिनिसले २० रन बनाउँदा शशांक सिंह ४४ रनमा अविजित रहे ।
गुजरातका लागि बलिङमा साई किशोरले सर्वाधिक ३ विकेट लिए । कागिसो राबडा र रासिद खानले समान १–१ विकेट लिए ।
प्रतिक्रिया