लागूऔषध विरुद्ध कपिलवस्तु प्रहरीको ३ महिने अभियान

दीपा महत, तौलिहवा ।

कपिलवस्तुमा लागूऔषधको कारोबार तथा प्रयोगकर्ताको सङ्ख्या बढ्न थालेपपछि जिल्ला प्रहरी कार्यालयले विशेष अभियान थाल्ने भएको छ । खुला सिमानाका कारण जिल्लामा लागूऔषधका प्रयोगकर्ता तथा अबैध ओसारपसार हुन लागेपछि यसको नियन्त्रणका लागि प्रहरीले ३ महिने अभियान सुरु गर्ने भएको हो ।

मंगलबार जिल्ला प्रशासन कार्यालय कपिलवस्तुमा भएको सरोकारवाला संगको अन्तकृयामा सो अभियानबारे जानकारी गराइएको हो । यो अभियान २०८१ चैत्र १२ गतेबाट २०८२ असार १२ गतेसम्म चल्ने छ । अभियानबारे जानकारी दिँदै जिल्ला प्रहरी कार्यालय कपिलवस्तुका प्रहरी नायव उपरिक्षक मोहन मणि अधिकारीले लागूऔषध विरुद्धको यस अभियानमा विद्यालय सम्पर्क कार्यक्रम, सामाजिक संलग्नता, गाँजा फडानी, फार्मेसी अनुगमन, तस्कर र पेडलरलाई कारवाही सम्म रहेको बताए ।

सरोकारवाला ब्क्री तथा निकायसङ्गको समन्वयमा लागूऔषध नियन्त्रणका लागि समुदाय तथा विद्यालय स्तरमै कार्यक्रम संचालन गरिने प्रनाउ अधिकारीले बताए । जिल्लामा खुला सिमानाका कारण अबैध लागूऔषधको कारोबार तथा प्रयोगकर्ता बढेको अधिकारीले बताए ।

प्रहरीको अभियानले मात्र जिल्लामा लागू औषध नियन्त्रण सम्भव नरहेको भन्दै परिवार तथा समाजले पनि सुक्ष्म निगरानी गर्नुपर्ने औल्याए । अहिले १६ देखि ३५ वर्ष उमेर समुहका युवाहरु दुब्र्यसनीमा फस्ने गरेको भन्दै लागूऔषधका मुद्दा पनि बढदैगएको बताए । समाजका शिक्षित परिवारका बालबालिका नै लागूऔषधमा पर्ने गरेको भन्दै घरपरिवारले पनि विशेष ध्यन दिनुपर्ने उनको भनाई छ ।

यस अभियानले लागूऔषध दुरुपयोग तथा अबैद्य ओसारपसार कार्यलाई निरुत्साहित नियन्त्रण गर्ने विश्वास लिइएको छ ।