बुटवलमा जारी इन्डो–नेपाल पुरुष भलिबलमा आज तीन वटा खेल हुँदै

काठमाण्डौ ।

इन्डो–नेपाल रनिङ शिल्ड पुरुष भलिबलमा आज तीन वटा खेल हुँदैछन् । आज हुने पहिलो खेलमा एपीएफ र भारतको गुजरात, दोस्रो खेलमा मणिमुकुन्द र पुलिस तथा तेस्रो खेलमा त्रिभुवन आर्मी क्लब र गल्कोटले खेल्दैछन् ।

प्रतियोगिता अन्तर्गतका खेल रूपन्देहीको बुटवल रामनगर खेलमैदान हुँदै आएका छन् । मदन भण्डारी स्पोर्ट्स एकेडेमीले आयोजना गरेको प्रतियोगितामा नेपाल र भारतका आठ टोली सहभागी छन् ।

प्रतियोगिताको विजेताले ७ लाख ५० हजार, दोस्रोले ३ लाख ५० हजार, तेस्रोले एक लाख ७५ हजार र चौथो हुने टोलीले एक लाख रुपैयाँ प्राप्त गर्नेछ ।