मायादेवी अनलाइन, जितपुर ।
ब्यापार संघ कपिलवस्तुले नेपाल पत्रकार महासघं कपिलवस्तुको नवनिर्वाचित पदाधिकारीलाई सम्मान गरेको छ । बुधबार संघले शाखाका नव निर्वाचित पदाधिकारी र सदस्यहरूलाई सम्मान गरेको हो ।
कार्यक्रममा बोल्दै नेपाल पत्रकार महासंघ कपिलवस्तुका नध्यक्ष डिलाराम भुसालले ब्यापार संघबाट सम्मानित हुन पाउँदा खुसी लागेको बताउनुभयो । अध्यक्ष भुसालले नेपाल पत्रकार महासंघ कपिलवस्तुलाई उत्कृष्ट बनाउने गरि अघि बढ्ने बताउनु भयो ।
कार्यक्रममा व्यापार संघ कपिलवस्तुका अध्यक्ष महादेव पोखरेलले पत्रकार समाजको वास्तविक आवाज बन्नु पर्ने बताउनुभयो । पत्रकारको निष्पक्षता र सत्यतामा आधारित कलमले यस क्षेत्रको प्रगति र समृद्धिमा सहयोग पुग्ने बताउनुभयो । व्यापार र पत्रकारिताबीचको सहकार्यले सकारात्मक परिणाम दिने गरि कलम चलाउन समेत आग्रह गर्नुभयो ।
सम्मान कार्यक्रममा नेपाल पत्रकार महासंघ केन्द्रिय सदस्य विकास बन्जाडे, कपिलवस्तु जिल्ला उपाध्यक्ष दीपा महत, सचिव सनिउल्ला धोबी, सदस्यहरू बाबुराम रायमाझी, माधव बेलबासे, राम प्रकट कोरिलगायत सहभागी हुनुहुन्थ्यो ।
कार्यक्रममा ब्यापार संघ कपिलवस्तुका अध्यक्ष महादेव पोखरेलले शिवगढीको तस्वीर अंकित मायाको चिनो सहित खादा लगाएर सम्मान गर्नुभएको थियो ।
सम्मान कार्यक्रममा ब्यापारसंघ कपिलवस्तु जिल्ला उपाध्यक्ष प्रेमकला पौडेल ,साहिद खां, सचिव शिशिर पोख्रेल, सदस्यहरु रेश्मा पाण्डे, ढुना पन्थी, सदस्य प्रकाश चौधरीलगायतसहभागी हुनुहुन्थ्यो । ब्यापार संघ कपिलवस्तुका सचिव गोपाल बन्जाडेको संचालनमा सम्पन्न कार्यक्रममा संघका वरिष्ठ उपाध्यक्ष जगत पौडेलले स्वागत मन्तब्य राख्नु भएको थियो ।
प्रतिक्रिया