युवाहरुद्वारा पत्रकार महासघं कपिलवस्तुको नेतृत्वलाई सम्मान

कपिलवस्तु ।

नेपाल पत्रकार महासंघ कपिलवस्तु शाखाका नव निर्वाचित पदाधिकारी र सदस्यहरूलाई सम्मान गरिएको छ ।

कपिलवस्तुका युवाहरूको समूहले पत्रकार महासंघको हालै सम्पन्न भएको निर्वाचनबाट नवनिर्वाचित पदाधिकारी र सदस्यहरूलाई दोसल्ला ओढाएर सम्मान गरेको हो ।

नेपाल पत्रकार महासंघ कपिलवस्तुका नवनिर्वाचित अध्यक्ष डिलाराम भुसालले सम्मान गर्ने युवाहरूलाई धन्यवाद व्यक्त गर्नुभयो । उहाँले भन्नुभयो तपाईँहरूको सुझाव सल्लाहअनुसार नेपाल पत्रकार महासंघ कपिलवस्तुलाई उत्कृष्ट बनाइनेछ, सबैले हातेमालो गरी अघि बढ्नुपर्छ ।

कपिलवस्तुका युवा समाजसेवी रहिस शाह, युवानेता तथा समाजसेवी मिर्जा रासिद वेग, युवानेता तथा समाजसेवी अकरम पठान, युवानेता इन्तेखाब खान युवानेता नवाब शाहले पत्रकारहरूलाई सम्मान गर्नुभएको हो ।
नेपाल पत्रकार महासंघ कपिलवस्तु शाखा तौलिहवाको कार्यालयमा एक समारोह बीच पत्रकारहरूलाई सम्मान गरिएको युवा नेता रहिस शाहले जानकारी दिनुभयो ।

पत्रकारहरू समाजको ऐना भएकोले सत्यतथ्य बाहिर ल्याई समाजलाई नयाँ दिशातर्फ उन्मुख गर्नुपर्ने रहिस शाहको भनाइ थियो ।
युवा नेता तथा समाजसेवी मिर्जा रासिद बेगले पत्रकारहरूलाई सम्मान गर्न पाउँदा निकै खुसी लागेको बताउनुभयो । उहाँले भन्नुभयो नवनिर्वाचित पत्रकारहरूले समग्र कपिलवस्तु विकासका लागि कलम चलाउनुपर्छ ।

अर्का समाजसेवी अकरम पठानले कपिलवस्तुको पश्चिमी क्षेत्रका पत्रकारहरू पनि अब्बल बन्दै गएको भन्दै खुसी व्यक्त गर्नुभयो । पठानले कपिलवस्तुका पत्रकारहरु अझै प्रगति गर्नुपर्ने धारणा राख्नुभयो ।

युवानेता नवाव शाहले कपिलवस्तुका पत्रकारहरू सक्रिय रहेको भन्दै गरिब निमुखा वर्गहरूको समेत आवाज उठाउनुपर्ने बताउनुभयो ।

सम्मान कार्यक्रममा नेपाल पत्रकार महासंघ कपिलवस्तुका उपाध्यक्ष खगप्रसाद चापागाई, दीपा महत सचिव सनिउल्ला धोबी, सहसचिव नारद कोहार, कोषाध्यक्ष मोहन बेलबासे, सदस्यहरू बाबुराम रायमाझी, माधव बेलबासे, अनिल कुमार माली, भगवती न्यौपाने, शिव कुमार ढाडी लगायत रहनु भएको थियो ।