प्याब्सन कपिलवस्तुको अध्यक्षमा सिंह

कपिलवस्तु ।

निजी तथा आवासीय बिद्यालय अर्गनाईजेशन नेपाल (प्याब्सन) कपिलवस्तुको अध्यक्षमा धिरेन्द्र विक्रम सिंह निर्वाचित भएका छन् ।

सोमबार राति तौलिहवामा सम्पन्न निर्वाचनमा खसेको ७७ मत मध्ये ४५ मत पाएर सिंह अध्यक्ष निर्वाचित भएका हुन् । उनका प्रतिष्पर्धी रहेका अध्यक्षका अर्का उम्मेदवार बासुदेव घिमिरेले ३२ मत प्राप्त गरे । त्यसैगरी बरिष्ठ उपाध्यक्षमा ४० मत ल्याएर तोयानाथ गैरे, उपाध्यक्षमा नन्दराम सापकोटा ४४ मत ल्याएर बिजयी भए ।

निर्वाचनमा सचिव पदका उम्मेदवार राजु अधिकारीले लोकप्रिय ५६ मत पाएर निर्वाचित भएका छन् । उनका प्रतिष्पर्धी तिलकचन्द्र ठकुरीले २१ मत पाए । त्यसैगरी सहकोषाध्यक्ष पदमा बुद्धिराम पौडेल निर्वाचत हुँदा कोषाध्यक्षमा दिपक प्रसाद भुसाल र सहसचिवमा विजय कुमार गुप्ता निर्विरोध निर्वाचित भएको प्रमुख निर्वाचन अधिकृत सरोज खनालले जानकारी दिए ।

तौलिहवामा सम्पन्न प्याब्सन कपिलवस्तुको १२ औं जिल्ला अधिबेशन तथा बार्षिक साधारणसभा अन्तर्गतको निर्वाचनबाट नयाँ नेतृत्व चयन भएको हो । सम्पन्न निर्वाचनमा सदस्यहरुतर्फ विनोद खनाल, डम्मर बहादुर सोमइ, भोजराज पोख्रेल, विन्दु मरासिनी, विजय अधिकारी, बिष्णुमाया अर्याल, कमरे आजम, अरसद अहमद खाँ, प्रकाश बिक, रफतुल्लाह मुसलमान र अनिता रिजाल निर्विरोध निर्वाचित भएका छन् ।