जबरजस्तीकरणी मुद्धाका फरार प्रतिवादी बुद्धभूमिका यादव पक्राउ

मायादेवी अनलाइन, बुद्धभूमि ।

कपिलवस्तुमा जबरजस्तीकरणी मुद्धामा १२ वर्ष कैद तोकिएर फरार रहेका प्रतिबादी पक्राउ परेका छन् । जिल्लाको बुद्धभूमि नगरपालिका ९ निवासी टमाटर भन्ने लाल बहादुर यादवलाई प्रहरीले सोमबार पक्राउ गरेको हो । आज इलाका प्रहरी कार्यलय गोरुसिंगेको टोलीले खोजतलासका क्रममा यादवलाई पक्राउ गरेको हो । उनलाई जिल्ला अदालत कपिलवस्तुमा आजै पेश गरी कारागार चलान गरिएको छ ।