विजयनगर ।
कपिलवस्तुको शिवराज नगरपालिका ३ का वडा अध्यक्ष टेकलाल सापकोटाले सामुदायिक र धार्मिक विद्यालयमा अध्ययनरत विद्यार्थीलाई न्यानो स्विटर वितरण गर्नु भएको छ । वडाको कार्यक्रम अनुसार वडाभित्र रहेका सबै सामुदायिक र धार्मिक विद्यालयका विद्यार्थीलाई न्यानो स्विटर वितरण कार्यक्रम राखिएको वडा अध्यक्ष टेकलाल सापकोटाले बताउनुभयो ।
धर्मज्योति आधारभूत विद्यालय भितरीयामा विद्यार्थीलाई स्विटर वितरण गर्दै यस्तो बताउनुभएको हो । वडाभित्र अध्ययनरत ७ सय ४० जना विद्यार्थीलाई स्विटर उपलब्ध गराउने उहाँले बताउनुभयो । विभेद नगरी विद्यार्थीको सर्वाङ्गीण विकास ध्यान पुर्याउन अभिभावकलाई उहाँले आग्रहसमेत गर्नुभयो ।
वडा अध्यक्ष सापकोटाले वडाबाट बजेट विनियोजन गरि वडाका नागरिकका लागि नमुना काम गर्दै आउनु भएको छ । शिजराज नगरभित्र उहाँको वडाको नीति कार्यक्रमले जनसमुदायमा छुट्टै पहिचान बनाइएको स्थानीयले बताएका छन् ।
प्रतिक्रिया