मायादेवी अनलाइन, बाणगंगा ।
पत्रकारहरुको साझा संस्था नेपाल पत्रकार महासंघ कपिलवस्तुको महिला उपाध्यक्षमा दीपा महत सर्वसम्मत चयन भएकी छिन् ।
महासंघको निर्वाचन कार्यतालिका अनुसार बुधबार भएको उम्मेदवारी दर्तामा उपाध्यक्ष (महिला) मा महतको मात्र उम्मेदवारी परेको थियो ।
प्रेस चौतारी नेता, नेपाल प्रेस युनियन, प्रगतिशिल पत्रकार संघ कपिलवस्तुकी साझा उम्मेदवार समेत रहेकी महत समाजवादी पत्रकार संघ नेपाल कपिलवस्तुकी सचिव छिन् ।
साथै उनी मायादेवी अनलाइनमा समाचार प्रमुखमा कार्यरत छिन् ।
१६ सदस्यिय कार्यसमिति रहेको महासंघमा सदस्य (दलित) मा रामप्रघट कोरी, सदस्य (आदीबासी जनजाती) मा सोनकुमारी चौधरी सर्वसम्मत भएका छन् ।
यहीँ मंसीर २८ गते हुन गइरहेको महासंघको निर्वाचनमा अन्य पदमा निर्वाचन हुँदैछ ।
प्रतिक्रिया