कपिलवस्तु महोत्सवमा भोलि प्रकाश दुतराज लगायतका कलाकारको प्रस्तुती रहने

कपिलवस्तु ।

१५औं कपिलवस्तु महोत्सवको छैठौ दिन अर्थात सोमबार चर्चित लोकदोहोरी गायक प्रकाश दुतराज आउने भएका छन् । सोमबार दुतराजसंगै गायिका सिता राना, गायक बसन्त लम्साल लगायतका कलाकार आउने महोत्सवका मनोरञ्जन तथा सांस्कृतिक कार्यक्रम संयोजक राँमजी सेनले जानकारी दिए ।
आईतबार अर्जुन सापकोटा, आधुनिक गायक हिमाल सागर, लोकदोहोरी गायिका रितु थापा लगायतका स्थानीय कलाकारहरुले प्रस्तुति राखेका थिए ।
यसैबीच आईतबार १३औं कपिलवस्तु डान्स आईडलतर्फका १३ जना प्रतिस्पर्धीहरुमध्ये एक जना बाहिरिएका छन् ।
डान्स आईडल तर्फ स्मारिका खनाल बाहिरिएकी हुन् ।

“सक्षम व्यवसायी, समुन्नत राष्ट्र र आत्मनिर्भर अर्थतन्त्र” भन्ने मूल नाराका साथ महोत्सव बाणगंगाको चारनम्बर जीतपुरस्थित बुद्धरंगशालामा बुधारबादेखि सुरु भएको हो ।