कपिलवस्तु शुद्धोधन १ मा नेकपा एसबाट सुब्बा थारुको उम्मेदवारी

कपिलवस्तु ।

नेकपा एकीकृत समाजवादीबाट कपिलवस्तु शुद्धोधन गाउँपालिका १ को वडाअध्यक्षमा सुब्बा थारूको उम्मेद्वारी दर्ता गरेको छ ।
आइतबार पार्टी पोलिटब्यूरो सदस्य अब्दुल हुसेनको नेतृत्वमा थारूको उम्मेद्वारी दर्ता गरिएको हो । शुद्वोधनमा लामो समयदेखि सामाजिक कार्य गर्दै आएका थारूले विकास, सुशासन र किसानको मुद्वा लिएर वडाअध्यक्षको उम्मेद्वार भएको बताएका छन । नेकपा एकीकृत समाजवादीको झन्डा र ब्यानर सहित थारूले मनोनयन गरेका हुन् ।

पूर्व जनप्रतिनिधि समेत भएर काम गरेको ईमान्दार र निष्ठावान उम्मेद्वार उठाएको पोलिटब्यूरो सदस्य अब्दुल हुसेनले जानकारी दिए । उम्मेद्वारी दर्तामा केन्द्रीय सदस्य अहमद अब्दुल रउफ, मीना परियार, गीता अन्जान लगायतका नेताहरूको उपस्थिति रहेको छ ।

वडाअध्यक्ष तिलकराम यादवको निधनपछि रिक्त वडाध्यक्ष पदमा यहाँ उपचुनाव हुन लागेको हो । आगामी १६ गते स्थानीय तहको उपनिर्वाचन हुनेछ ।