नेपालकै कान्छो नासु र पूर्व शिक्षिकालाई सिद्धार्थ माविद्धारा सम्मान

बाणगंगा ।

कपिलवस्तुको बाणगंगा नगरपालिका १ मा रहेको श्री सिद्धार्थ माध्यमिक विद्यलाय बुङ्चीले पूर्व विधार्थी विशाल घिमिरेलाई सम्मान गरेको छ । शुक्रबार विद्यालयमा आयोजित दोस्रो त्रैमासिक परिक्षाको नतिजा प्रकाशन कार्यक्रममा विद्यालयका पूर्वविधार्थी घिमिरेसहित पूर्वशिक्षिका स्वस्तिका गौतमलाई सम्मान गरिएको हो । घिमिरे केही महिना अघि मात्र लोक सेवा आयोगका सम्पूर्ण परिक्षा उर्तिण गर्दैै देशकै कान्छो नायब सुब्बा बनेका थिए भने गौतम शिक्षक सेवा आयोगमार्फत प्रावि तहको स्थायी शिक्षक हुन सफल भएकी थिईन् ।
सो कार्यक्रममा विद्यालय व्यवस्थापन समितिका अध्यक्ष गणेश बहादुर क्षेत्री, कार्यक्रमका प्रमुख अतिथि वडा नं.१ वडाध्यक्ष सन्जु कुमार सारु, प्रअ दल बहादुर थापा लगाए तले निजामति सेवामा प्रवेश गरेका दुवै जनालाई शुभकामना दिदैं यस विद्यालयकै उत्पादनकै रुपमा परिचित गराउन पाउँदा खुशी लागेको बताएका थिए ।
सो कार्यक्रममा सम्मानित हुने दुवै जनाले विद्यालयले आफुहरुलाई स्मरण गरेर सम्मान गरेको भन्दै खुशी व्यक्त गरेका थिए । सहायक प्रअ अजित शर्माको संचालनमा सम्पन्न उक्त कार्यक्रममा शिक्षिका कमला न्यौपानेले स्वागत मन्तव्य राखेका थिईन् ।