मायादेवी अनलाइन, जितपुर ।
कपिलवस्तु उद्योग बाणिज्य संघ १५औँ कपिलवस्तु महोत्सवको तयारीमा जुटेको छ । महोत्सव नजिकिदैँ गर्दा सघं १५औं कपिलवस्तु महोत्सव तयारीमा जुटेको हो ।
१५ औं कपिलवस्तु महोत्सव यही मंसिर १९ गतेदेखि पुष २ गतेसम्म बाणगंगा नगरपालिकाको बुद्धरगंशालामा हुन लागेको संघका महासचिव नवदत्त घिमिरेले जानकारी दिए ।
संघको कार्यसमिति बैठकले जिम्मेवारी समेत बाँडफाँड गरिसकेको छ । उक्त बैठकले विभिन्न २९ वटा उपसमितिका संयोजक बनाई सदस्य थप गर्न पाउने गरी जिम्मेवारी बाँडफाँड गरिएको हो ।
सघंका अध्यक्ष गणेश बहादुर क्षेत्रीले जिम्मेवारी पाएका उपसमिति संयोजकलाई आफ्नो जिम्मेवारी गम्भीरतापुर्वक पुरा गर्न र आवश्यक तयारीमा जुट्न आग्रह गरेका छन ।
यस पटकको महोत्सव हालसम्म आयोजना भएका महोत्सव भन्दा फरक र पृथक हुने बताईएको छ ।
प्रतिक्रिया