कोशी र बाग्मती प्रदेशका केही ठाउँमा हल्का वर्षा

काठमाण्डौ ।

काठमाण्डौ उपत्यका र आसपासमा हिजो र अस्ति मौसम घमाइलो भए पनि आज भने बिहानैदेखि बदली भएको छ । कोशी र बाग्मती प्रदेशका केही ठाउँमा हल्का वर्षा भएको छ । आज देशभरको मौसम आंशिकदेखि साधारणतया बदली रहने मौसम पूर्वानुमान महाशाखाले जनाएको छ ।

महाशाखाका अनुसार कोशी, बाग्मती र कर्णाली प्रदेशका केही ठाउँमा हल्कादेखि मध्यम वर्षाको सम्भावना छ । गण्डकी प्रदेशका थोरै ठाउँ तथा बाँकी प्रदेशका एकदुई ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ । देशभर मनसुनी वायुको प्रभाव रहेको महाशाखाको भनाइ छ ।