कपिलवस्तु ।
रोटरी क्लबअफ सेन्ट्रल कपिलवस्तुले वर्ष २०२४ -२०२५ को पदीय जिम्मेवारी ज्ञानहरि न्यौपानेलाई हस्तान्तरण गरेको छ । शनिबार बाणगंगाको ठाकुरापुर स्थित पिस हिमालय रिसोर्टमा तेस्रो स्थापना समारोह कार्यक्रम गदै संस्थापक निवर्तमान अध्यक्ष धर्मराज भट्टराइले वर्ष २०२४ -२०२५ को अध्यक्षको जिम्मेवारी न्यौपानेलाई हस्तान्तरण गरेका हुन् ।
कार्यक्रममा बोल्दै प्रमुख अतिथी प्रदेश सभा सदस्य बिष्णु पन्थीले रोटरी क्लव अफ सेन्ट्रल कपिलवस्तुले विगतका दिनमा विभिन्न सामाजिक कार्य गर्दै आएको र आगामी दिनहरुमा पनि निरन्तरता दिनेमा आफु बिश्वस्त रहेको बताए।
त्यस्तै संथापक निवर्तमान अध्यक्ष धर्मराज भट्टराइले यो कुनै संगठनको क्लब नरहेको र सेवा गर्ने उदेश्यले समृद्ध समाज निर्माणका निम्ति रोटरी क्लव अफ सेन्ट्रल कपिलवस्तुको स्थापना गरिएको भन्दै आफ्नो कार्यकालमा जस्तै आगामी दिनमा पनि कटिबद्ध भएर कार्य गर्ने बताए ।
त्यस्तै बर्ष २०२४ -२०२५ का अध्यक्ष ज्ञानहरि न्यौपानेले सपथ ग्रहण गरि आफुले पाएको जिम्मेवारीलाई बोधार्थका साथ बहन गर्ने बताए ।
यसैविच आर्थिकअवस्था कमजोर भएकी बालिका ममता क्षेत्रीलाई नगद दश हजार सहित जिन्सि सामग्री सहयोग गरेको छ ।
ज्ञानहरि न्यौपानेको अध्यक्षतामा भएको कार्यक्रम गोपाल खनालको स्वागत मन्तव्य र सचिब बेदुराम पोख्रेलको सञ्चालनमा सम्पन्न भएको थियो ।
प्रतिक्रिया