काठमाडौं ।
तनहुँको आँबुखैरेनीमा मर्स्याङ्दी नदीमा खसेको भारतीय बसका यात्रुमध्ये १५ जना अचेतावस्थामा रहेको गृहमन्त्रालयले जनाएको छ ।
मन्त्रालयको विपद् व्यवस्थापन महाशाखा प्रमुख डा भीष्मकुमार भूसालले १५ जना अचेतावस्थामा रहेको जिल्लाबाट जानकारी पठाएको बताए ।
तनहुँको आँबुखैरेनी नजिकै ऐनापहराबाट मर्स्याङ्दी नदीमा यात्रुवाहक बस खसेको हो् । आबुखैरेनी गाउँपालिका–२ ऐनापहराबाट बस मर्स्याङ्दी नदीमा खसेको जिल्ला प्रहरी कार्यालय तनहुँका प्रहरी उपरीक्षक एसपी वीरेन्द्रबहादुर शाहीले जानकारी दिनुभयो ।
यूपी ५३ एफटी ७६२३ नम्बरको बस पोखराबाट काठमाण्डौका लागि छुटेको प्रहरीको भनाइ छ । बसमा ४० जना यात्रु रहेको प्रारम्भिक विवरण छ ।
प्रतिक्रिया