कपिलवस्तु ।
नेकपा (एमाले) शिवराज नगर कमिटीले आगामी भदौ १३ गते हुने दोस्रो नगर अधिवेशनको तयारी तिब्र पारेको छ । जसका लागि भदौ ८ गते एकै दिन प्रतिनिधि छनोट गर्ने निर्णय गरेको छ ।
बुधबार बसेको एमाले शिवराज नगर कमिटीको बैठकले भदौ १३ गते शिवराज ५ चन्द्रौटामा हुने नगर अधिवेशनका लागि नगरका ११ वटै वडामा दिन प्रतिनिधि छनोट गर्ने निर्णय गरेको हो ।
६४ सदस्यीय आयोजक कमिटी रहने गरी ११ पार्टी सदस्य बराबर १ प्रतिनिधि, दलित तर्फ ७ जना दलित संगठित सदस्य संख्या बरावर १ प्रतिनिधि, युवाको १५ प्रतिशत प्रतिनिधित्व रहने गरी र ३ सदस्य मध्ये १ महिला सदस्य अनिवार्य रहने निर्णय समेत गरेको एमाले शिवराजका कार्यवाहक अध्यक्ष महादेव पोखरेलले जानकारी दिनुभयो ।
१३ गते हुने एमाले शिवराजको अधिवेशनमा १ सय ४० बढि प्रतिनिधिको सहभागिता रहने एमाले शिवराजका कार्यवाहक अध्यक्ष पोखरेलले जानकारी दिनु भयो ।
प्रतिक्रिया