चितवन ।
चितवनको भरतपुर अस्पतालमा उपचाररत महिलाको ज्यान गएपछि आफन्तले चिकित्सकको लापर्बाही भन्दै छानबिन गर्न माग गरेका छन् ।
भरतपुर महानगरपालिका वडा नम्बर १२ की ३९ वर्षीया सम्झना काफ्लेको पाठेघरमा मासु पलाएपछि शल्यक्रियाका लागि हिजो भरतपुर अस्पतालमा भर्ना गरिएको थियो ।
शल्यक्रियाका लागि तयारी गर्न लठ्याउने सुई (एनेस्थेसिया) लगाइएको थियो । लठ्याउने सुई लगाएपछि होस नआई राति ९ बजे ज्यान गएको हो । पाठेघरमा सिस्ट भएपछि उहाँको अप्रेशन गरेर बायोप्सी निकाल्न लागिएको थियो ।
अस्पतालले महिलाको मुटुमा पहिलेदेखि नै समस्या रहेका कारण ज्यान गएको दाबी गरेको छ ।
प्रतिक्रिया