मनाङ एयरको हेलिकप्टर सम्पर्कविहीन

काठमाडौं ।
मनाङ एयरको हेलिकप्टर सम्पर्कविहीन भएको छ । सोलुखुम्बुको सुर्केबाट काठमाडौंका लागि उडेको हेलिकोप्टर सम्पर्कविहीन भएको हो ।

नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलका अनुसार हेलिकप्टर १० बजेर १२ मिनेटसम्म सम्पर्कमा थियो ।

त्यसपछि सम्पर्कविहीन भएको हेलिकप्टरमा चालकसहित ६ जना सवार थिए । हेलिकप्टरको खोजी कार्य भइरहेको प्राधिकरणले जनाएको छ ।