बुटवल ।
श्रीमतीलाई कुटपिट गरी हत्या गरेको आरोप लागेपछि फरार भएका एक अभियुक्तलाई रुपन्देही प्रहरीले पक्राउ गरेको छ ।
मायादेवी गाउँपालिका १ धमौलीका सञ्जय भन्ने रामनारायण लोधले २४ वर्षीय पत्नी सरोज लोधलाई मंसिर १२ गते हत्या गरेका थिए ।
भारतको डफालीपुरमा मेला हेर्न जान भनी मोटरसाइकलमा राखी लगेका उनले हात–खुट्टा बाँधी कुटपिट गरी हत्या गरेर फालेको प्रहरीले बताएको छ ।
फरारको सूचीमा रहेका उनलाई आइतबार धमौलीबाट पक्राउ गरी थप अनुसन्धान थालेको रुपन्देही प्रहरी प्रवक्ता श्यामु अर्यालले बताए ।
प्रतिक्रिया