सवारी दुर्घटनामा बाणगंगाकी गैरेको निधन, ठक्कर दिने सवारी पहिचान भएन

मायादेवी अनलाइन, बाणगंगा ।
कपिलवस्तुको बुद्धभूमि नगरपालिका–२ खारखानीमा सवारी दुर्घटनामा एक वृद्धाको मृत्यु भएको छ ।

पहिचान नभएको सवारी साधनले ठक्कर दिँदा बाणगंगा नगरपालिका–८ त्रिलोकमार्गकी ६५ बर्षीया कमला गैरेको मृत्यु भएको जिल्ला ट्राफिक प्रहरी कार्यालयका प्रहरी निरीक्षक योगेन्द्र तिमिल्सिनाले बताए ।

गैरेलाई पूजाको प्रसाद ग्रहणका लागि सडक पार गरेर जाने क्रममा गाडीले ठक्कर दिएको थियो । दुर्घटना पश्चात् उनलाई उपचारको लागि कपिलवस्तु अस्पताल तौलिहवा लगिएको थियो ।

अस्पतालमा उनको मृत्यु भएको प्रहरीले जनाएको छ । ठक्कर दिने सवारी साधन पहिचान गर्न प्रहरीले सीसीटीभी फुटेजको सहायता लिएको छ ।