भारतमा सडक दुर्घटना हुँदा अर्घाखाँचीका एक युवकको मृत्यु

बिष्णु कुमार आले, अर्घाखाँची ।
भारतमा सडक दुर्घटना हुँदा अर्घाखाँचीका एक युवकको मृत्यु भएको छ । अर्घाखाँचीको मालारानी गाउँपालिका वडा नम्बर-७ बामरुक गैराटोलका २० वर्षीय सिदास भुसालको सडक दुर्घटनामा परेर भारतको गुडगाँवमा मृत्यु भएको हो ।

बाथ र प्रेसर रोगबाट ग्रस्त रहुनुभएकी आमा मिनाकुमारी भुसालको उपचार एवं पालनपोषणको खर्च जुटाउन भुसाल पढाई छोडेर रोजगारीका लागि भारत गएको स्थानीय रमेश भट्टराईले बताए ।

लामो समयदेखि मृतक भुसालका बुबा भीमबहादुर भुसाल भारतमै बेपत्ता छन् । कारको ठक्करबाट गम्भीर घाइते भएका भुसालको उपचारको क्रममा मृत्यु भएको भट्टराईले जानकारी दिए ।