बिष्णु कुमार आले, अर्घाखाँची ।
अर्घाखाँचीको पाणिनी-८ पालिमा शनिबार ट्याक्टर दुर्घटना हुँदा एक जनाको मृत्यु भएको छ । दुर्घटनामा परेर थप दुई जना घाइते भएका छन् ।
शनिबार बिहान तल्लो पङगेनीबाट दाउरा लिन जादै गरेको लु २ त ९२७१ नम्बरको ट्याक्टर दुर्घटना हुँदा पाणिनी गाउँपालिका वडा नम्बर ८ पालिका १८ बर्षीय हुम बहादुर कुमालको घटनास्थलमै मृत्यु भएको हो ।
दुर्घटनामा परि अन्य २ जना घाइते भएको जिल्ला प्रहरी कार्यालय अर्घाखाँचीका सूचना अधिकारी तथा प्रहरी निरीक्षक कृष्ण प्रसाद घिमिरेले जानकारी दिए ।
घाइते हुनेमा पाणिनी ८ गैनडाँडाका ट्याक्टर चालक २२ बर्षीय चाम बहादुर कुमाल र सोही ठाउँका ३९ बर्षीय शंकर बहादुर कुमाल रहेको प्रहरीले जनाएको छ । घाईते दुबै जना खतरा मुक्त रहेको र उनीहरूको थप उपचारको लागि पाल्पा रिफर गरिएको छ ।
ट्याक्टरको एक्कासी ब्रेक फेल भई सडकबाट करिव १५० मिटर तल खसी दुर्घटना भएको र घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया