जगदीशपुर तालको सरसफाइमा जुट्यो शान्ति समाज

मायादेवी अनलाइन, बाणगंगा ।
विश्व सिमसार दिवसको अवसरमा मानव अधिकार तथा शान्ति समाज कपिलवस्तु जगदीशपुर तालको सरसफाइमा जुटेको छ ।

विहीबार विश्व सिमसार दिवस भव्यताका साथ मनाइएको छ । विश्व सिमसार क्षेत्रमा सूचिकृत जगदीशपुर तालमा रहेको फोहर फाल्ने अभियानमा शान्ति समाज जुटेको हो ।

विश्व सिमसार दिवसको अवसर ताल वरपरको क्षेत्रमा सरसफाइ गरिएको मानव अधिकार तथा शान्ति समाज कपिलवस्तु सभापति माधव घिमिरेले जानकारी दिए ।

प्राणी जगतको प्राणको रुपमा रहेको सिमसार क्षेत्रको सरसफाइमा आफू सक्दो योगदान गरौं भन्ने उद्देश्यले सरसफाइ गरिएको अध्यक्ष घिमिरेले बताए ।

सरसफाइ अभियानमा मानव अधिकार तथा शान्ति समाज कपिलवस्तुका कार्यसमितिका पदधिकारी, सामाजसेवी बुद्धिजिवी, शिक्षक प्रतिनिधि लगायत संलग्न थिए ।

शान्ति समाजले जिल्लामा विभिन्न समयमा रचनात्मक काम गर्दै आएको छ ।