बलात्कार आरोपमा युवक पक्राउ

रुपन्देही ।
किशोरीलाई बलात्कार गरेको आरोपमा प्रहरीले रुपन्देहीबाट एकजना युवकलाई पक्राउ गरेको छ । पक्राउ पर्नेमा मर्चवारी गाउँपालिका–४ महादेही बस्ने २६ वर्षीय सञ्जय पासी छन् ।

१४ वर्षीया किशोरीलाई बलात्कार गरेको आरोपमा उनलाई आइतबार पक्राउ गरिएको जिल्ला प्रहरी कार्यालय रुपन्देहीले जनाएको छ । इलाका प्रहरी कार्यालय मझगावाबाट खटिएको टोलीले उनलाई पक्राउ गरेको हो । घटनाबारे प्रहरीले अनुसन्धान गरिरहेको छ ।