बाणगंगामा मनाइयो कवि शिरोमणि लेखनाथ पौड्यालको १ सय ३९ औं जन्मजयन्ती

मायादेवी अनलाइन, बाणगंगा ।
कपिलवस्तुमा कवि शिरोमणि लेखनाथ पौड्यालको १ सय ३९ औं जन्मजयन्ती मनाइएको छ । जिल्लाको बाणगंगा नगरपालिका वडा नं. ८ बोडगाउँस्थित जलेश्वर मन्दिरको सभाहलमा मंगलबार एक समारोहको आयोजना गरी जन्मजयन्ती मनाइएको हो ।

बाणगंगा साहित्यिक प्रतिष्ठानले आयोजना गरेको उक्त कार्यक्रममा साहित्यकार ज्ञानराज अर्याल, सूर्यप्रसाद भुसाल, नित्यानन्द पाण्डे र कृष्ण प्रसाद घिमिरेले लेखनाथ पौड्यालको कृतित्व, व्यक्तित्व एवं साहित्यिक योगदानको बारेमा चर्चा गर्नुभएको थियो ।

कार्यक्रममा दधि स्मृति साहित्य समाजका अध्यक्ष लेखनाथ घिमिरे, साहित्यकारहरु राधा पाण्डे र कृष्ण प्रसाद पाण्डेले आ-आफ्ना रचना समेत वाचन गर्नुभएको थियो ।

कार्यक्रम बाणगंगा साहित्यिक प्रतिष्ठानका अध्यक्ष कृष्ण प्रसाद पाण्डेको अध्यक्षता, सचिव मोहन प्रसाद अधिकारीको सञ्चालन र उपाध्यक्ष देवका भण्डारीको स्वागतमा सम्पन्न भएको थियो ।