कपिलवस्तुमा अटो वर्कशपमा आगालागी हुँदा ३ लाख बराबरको क्षति

मायादेवी अनलाइन,कपिलवस्तु ।

कपिलवस्तुको बिजयनगर गाउँपालिका ३ पत्थरदेईयाको एक अटो वर्कशपमा आगालागी हुँदा ३ लाख बराबरको क्षति भएको छ ।

पत्थरदेईयाका ईशार अहमदको फुसले छाएको नवान अटो वर्कशपमा शनिबार आगो बालेर ताप्ने क्रममा आगालागी भएको जिल्ला प्रहरी कार्यालाय कपिलवस्तुले जनाएको छ ।

आगालागीबाट वर्कशप भित्र रहेको ना २९ प ३१६ नम्बरको यामाहा मोटरसाइकलसंगै वर्कशपका अन्य सामग्रीसहित घर पूर्ण रुपमा जलेर नष्ट भएको प्रहरीले बताए ।

आगो निभाउने क्रममा सोही स्थानकै २ जना सामान्य घाईते भएका छन् । घाईते दुवैलाई शिवराज अस्पताल बहादुरगंज लगिएकोमा सामान्य उपचार पछि दुबै डिस्चार्ज भएका छन् ।

आगो स्थानीय बासिन्दा र प्रहरी चौकी पत्थरदेईयाबाट खटिएको प्रहरी टोलीको सहयोगमा नियन्त्रणमा लिइएको थियो ।