बुद्धभूमिले विद्यालयमा दियो एक हप्ते जाडो बिदा

मायादेवी अनलाइन, बुद्धभूमि ।
कपिलवस्तुको बुद्धभूमि नगरपालिकाले एक हप्ते जाडो बिदा दिएको छ । दिन प्रतिदिन चिसो बढ्दै गएपछि नगरपालिकाले नगर क्षेत्र भित्रका सम्पूर्ण विद्यालयमा एक हप्ते जाडो बिदा दिएको हो ।

नगरको शिक्षा, युवा तथा खेलकुद शाखाका प्रमुख लिल बहादुर रावतले पुस २४ गते आइतबार देखि २९ गतेसम्मका लागि बिदा दिएको जानकारी दिए ।

पछिल्लो केही दिन यता कपिलवस्तुसहित तराईका जिल्लामा जाडो ह्वात्तै बढेको छ । कठ्ङाग्रिदो जाडोले यहाँको जनजीवन प्रभावित बनिरहेको छ ।

जिल्लामा यस भन्दा अगाडी चार पालिकाले जाडो बिदा दिइसकेका छन् ।