काठमाडौं ।
नेकपा एकीकृत समाजवादीका अध्यक्ष माधवकुमार नेपालले एमाले अध्यक्ष केपी शर्मा ओलीले कांग्रेस सभापति शेरबहादुर देउवालाई झुक्याएको बताएका छन् ।
देउवाले ओलीको कुरा नबुझ्दा अवस्था भताभुंग भएको बताएका थिए ।
“केपी ओलीले देउवालाई फोन गरेको थाहा पाएपछि प्रचण्ड रिसाएर हिँडेछन् । ओलीले देउवालाई मैले प्रचण्डलाई समर्थन गर्दिनँ तपाईँ नै पाँच वर्ष प्रधानमन्त्री बन्नुस् भनेर भनेछन् । देउवा मख्ख परे । प्रचण्ड बालुवाटारबाट गठबन्धन तोडियो भनेर हिँडेपछि पनि देउवालाई विश्वास थिएन ।
केपी ओलीको निवासमा हस्ताक्षर हुन थालेपछि देउवा झस्किए,” नेता नेपालले मंगलबार आफ्ना सांसदहरुलाई बधाई तथा शुभकामना दिने क्रममा यस्तो बताएका एक नेताले जानकारी दिए ।
प्रतिक्रिया