कपिलवस्तु-२ को मतगणना बिहान ९ बजेपछि गरिने

मायादेवी अनलाइन, जितपुर ।

३ प्रतिनिधी सभा र ६ प्रदेससभा रहेको कपिलवस्तुमा आज बिहानबाट मात्रै मतगणना सुरु हुने भएको छ । मतपेटिका संकलन भैसकेको र सर्वदलिय बैठक बसेर बिहानबाट ३ वटै क्षेत्रको मतगणना सुरुगर्ने जनाइएको छ ।

कपिलवस्तु प्रतिनिधी सभा क्षेत्र नम्बर २ मा बिहान ९ बजेबाट मतगणना सुरु गरिने जनाइएको छ । मतगणनाका लागि विहान ९ बजे सर्वदलिय बैठक बस्ने र त्यसपछि मतगणना सुरु हुने पत्रकार किरणमान बज्रचार्यले बताउनुभयो ।

क्षेत्र नम्बर २ को मतगणना कपिलवस्तु नगरपालिकाको सभाहलमा हुने छ । ३ लाख ६८ हजार २३२ मतदाता रहेको कपिलवस्तुमा ६५ प्रतिशत मत खसेको थियो ।