कपिलवस्तुका ३ वटै क्षेत्रमा एमाले अगाडि रहेको घिमिरेको दावी

कपिलवस्तु ।
नेकपा (एमाले) पोलिटव्यूरो सदस्य बिमला घिमिरेले एमाले पार्टी कपिलवस्तुका ३ वटै क्षेत्रमा प्रतिस्पर्धामा नभई अगाडि नै रहेको दावी गर्नुभएको छ ।

निर्वाचन परिचालन कमिटी क्षेत्र नं. १ को बैठकलाई सम्बोधन गर्दै घिमिरेले आसन्न प्रतिनिधि सभा तथा प्रदेश सभा निर्वाचनमा एमालेले जिल्लाका ३ वटै क्षेत्रमा विजय हासिल गर्ने आधार एमाले प्रति देशैभरको जनलहरले प्रमाणित गरेको बताउनुभयो ।

नेकपा एमालेको ‘सुशासन, विकास, समृद्धि र समानताको लागि पाँच वर्ष : एमालेले गर्छ’ भन्ने नीति नै लोकप्रिय भएकाले कपिलवस्तुका सवै उम्मेदवारको घरदैलोमा जनताको उत्साहपुर्ण सहभागीताले निर्वाचन जित्ने दावी गर्नुभएको छ ।

मंसिर ४ को आसन्न निर्वाचनमा एमालेका उम्मेद्वार विकास निर्माणका ठोस योजना सहित जनतासामु पुगेकाले जनताले एमाले नै रोज्ने घिमिरेले बताउनुभएको हो ।

नेता घिमिरेले एमालेका नितिगत प्रतिवद्धता, सुखी नेपाली समृद्ध नेपालको सपना साकार पार्नका लागि एमालेको आवश्यकता रहेकोमा जोड दिनुभएको हो ।