मायादेवी अनलाइन, चन्द्रौटा ।
नेकपा (एकीकृत समाजवादी) ले कपिलवस्तु ३ को प्रदेश सभा ‘क’ मा घरदैलो अभियानलाई तिव्र पारेको छ ।
आसन्न मंसिर ४ गते हुन गइरहेको प्रतिनिधि सभा र प्रदेश सभा सदस्य पदको निर्वाचन नजिकिदै जादा एकीकृत समाजवादीले घरदैलो अभियानलाई तिव्र पारेको हो ।
समाजवादीबाट चुनावमा उठेका जीवलाल पौडेलले जनताको बीचमा शिक्षा, स्वास्थ्य, खानेपानी, बाटोघाटो, सिंचाईको एजेण्डालाई प्राथमिकतामा राखेर घरदैलो गरिरहेका छन् ।
पहिलो पटक चुनावमा उठेका पौडेल त्यस क्षेत्रमा लोकप्रिय छन् । तत्कालिन नेकपा एमालेबाट राजनीति यात्रा थालेका उनी पार्टी विभाजन पश्चात हाल एकीकृत समाजवादीमा छन् ।
समाजवादीको प्रदेश लुम्बिनी प्रदेश कमिटी सदस्य रहेका उनलाई आम मतदाताले जितको शुभकाना दिएका छन् । घरदैलोमा जनताको उत्साहजनक समर्थनले आफू उत्साहित भएको उनले बताए । आसन्न चुनावमा सबैको साथ र सहयोगले आफू विजयी हुनेमा उनी ढुक्क छन् ।
प्रतिक्रिया