जनताको हरेक सुख दुःखमा सधै साथमा छु : उम्मेदवार पन्थी

मायादेवी अनलाइन, वाणगंगा ।
कपिलवस्तु क्षेत्र नम्बर १ को एकका प्रदेश सभाका उम्मेद्वार बिष्णु पन्थीले बाणगंगा नगरपालिका वडा नं. १० र २ का विभिन्न स्थानमा कार्यकर्ता तथा मतदातासंग भेटघाट गर्नुभएको छ ।

भेटघाटका क्रममा उम्मेद्वार पन्थीले मतदाताको भोटको सदैव कदर गर्ने प्रतिवद्धता व्यक्त गर्दै विकासको पर्यावाची नाम एमाले रहेको बताउनुभयो ।पटना क्षेत्रको विकासलाई निरन्तरता दिने बताउदै पटनावासीको आवश्यकता र मागलाई आफुले नजिकैबाट अनुभव गरेको बताउनुभयो ।

स्थानीयले जनप्रिय नेता पन्थीलाई निर्वाचनमा जिताउने भन्दै उत्साहपुर्ण आश्वासन पनि दिएका छन् । युवा नेता पन्थीले निर्वाचनका बेला मात्र आफु नआउने भन्दै जनताको हरेक सुख दुःखमा सदैव साथ रहेको बताउनुभयो । उहाँले कोरोना महामारीको संकटका पनि जनताको घरदैलोमो पुगेर जनताको दुखमा सहयोग गरेको बताउनुभयो ।