विहान परेको चट्याङ्गले खानेपानीमा क्षति

मायादेवी अनलाइन, बाणगंगा ।
कपिलवस्तुको बाणगंगा गजेहडा भुपु सैनिक खानेपानीमा विहान परेको चट्याङ्गले आंशिक क्षति पुर्‍याएको छ ।

जिल्लाको वाणगंगा-१ उप्टहवा स्थित खानेपानी कार्यालय परिसरमा चट्याङ्ग पर्दा प्यानल वोर्ड फ्यिुज रिलेमा क्षति पुगेको हो । त्यस्तै विजुली बत्ती, इन्भर्टर र ओभरहेड खानेपानी टंकीको क्षति पुगेको छ ।

चट्याङ्गले हान्दा टंकीको पहिलो विमको माथिल्लो भाग फुटेको छ । विग्रिएको प्यानल बोर्डको मर्मत कार्य सकिएको प्राविधिक धनबहादुर सोमैले बताए । चट्याङ्ग विहान ४ः३० बजे तिर परेको थियो ।

कार्यालय अघि रहेको ट्रान्समिटरको फ्यिुज गएपछि पनि विद्युत आपूर्तिमा समस्या भएको छ । पानीका कारण उक्त फ्यिुज बनाउन समस्या परेको हो ।

कार्यालयले मर्मत कार्य सकिएकाले पानी वितरण कार्यलाई सुचारु गर्ने जनाएको छ ।