चट्याङ लागेर बाणगंगामा एक जना घाइते

कपिलवस्तु ।

कपिलवस्तुको बाणगंगामा चट्याङ लागेर एक पुरुष घाइते भएका छन् ।

बाणगंगा नगरपालिका ७ स्थित लक्ष्मणघाटमा मलामी गएका वडा नम्बर ३ सिउटीका ४४ बर्षीय शिवनारायण थारुलाई लक्ष्मणघाटमा चट्याङ लागेको हो ।

थारुलाई चट्याङ लागि घाइते भएपछि तत्काल उपचारका लागि बनगाई स्थित पाथिभरा पोलिक्लिनिकमा लगिएको थियो । समान्य उपचार पछि भैरहवा पठाइएको क्लिनिकका संचालक विष्णुबहादुर रायमाझीले बताए। उनको अवस्था सामान्य रहेको बताइएको छ ।