कपिलवस्तुको शिवराजमा बस दुर्घटना, २० जना घाइते

कपिलवस्तु ।
पूर्व-पश्चिम महेन्द्र राजमार्ग अन्तर्गत कपिलवस्तुको शिवराज नगरपालिका वडा नम्बर १ शिवपुरमा शनिवार बिहान ४ बजेतिर बस पल्टिदा २० जना घाइते भएका छन ।

काठमाण्डौ देखि धनगढीका लागि हिडेको सुदुर पश्चिम प्रदेश ०१–००१ ख – २३– ४७ नम्बरको रात्री बस पल्दिटा बसमा सवार २० जना घाइते भएका हुन् ।

जिल्ला ट्राफिक कार्यालयका प्रमुख तथा प्रहरी निरीक्षक योगेन्द्र तिमिल्सिना अनुसार बस चिप्लिएर बस अनियन्त्रित भई पल्टिएको हो ।

बसमा सवार २० जना सामान्य घाईते भएको र उनीहरुको चन्द्रौटास्थित संजीवनी मेडिकलमा उपचार भइरहेको छ । घाइते सबैको अवस्था खतारामुक्त रहेको तिमिल्सिनाले बताए ।