माओवादी छाडेर एमाले आएका भट्टराईलाई पिपरा अस्पताल व्यवस्थापन समिति सदस्यको जिम्मेवारी

मायादेवी अनलाइन, बाणगंगा ।
स्थानीय चुनावको मुखैमा नेकपा (माओवादी केन्द्र) परित्याग गरी नेकपा (एमाले) मा आएका धर्मराज भट्टराईलाई पिपरा अस्पताल व्यवस्थापन समितिको सदस्यमा मनोनित गरिएको छ ।

बाणगंगा नगरपालिकाका नगर प्रमुख चक्रपाणी अर्यालले भट्टराईलाई अस्पताल व्यवस्थापन समितिको सदस्यमा मनोनित गरेका हुन् ।

भट्टराई लामो समय देखि माओवादीबाट राजनीति गर्दै आएका थिए । गत स्थानीय तहको चुनावमा उनै पार्टी परित्याग गरी एमाले प्रवेश गरेका थिए ।

भट्टराई स्वयम मेडिकल क्षेत्रका हुन् । उनको चारनम्बरमा लामो समय देखि मेडिकल सञ्चालन गर्दै आएका छन् ।
पिपरा अस्पताल यस क्षेत्रको सबैभन्दा ठूलो सरकारी अस्पताल हो ।