पाल्पामा करेन्ट लागेर मृत्यु

पाल्पा ।

पाल्पामा घर बनाउने काममा खटिएका एक मिस्त्रीको करेन्ट लागेर मृत्यु भएको छ ।

तानसेन नगरपालिका वडा नम्बर ४ शिलखानटोलमा घर बनाउने क्रममा करेन्ट लागेर खोटाङ जिल्लाको जन्ते ढुङ्गा गाउँपालिकाका ३४ वर्षीय महेश राईको मृत्यु भएको जिल्ला प्रहरी कार्यालय पाल्पाले जनाएको छ ।

स्थानीय झविन्द्र देवकोटाको घर बनाउने क्रममा करेन्ट लागेपछि उनलाई मिसन अस्पताल तानसेन लगिएको थियो । तर अस्पतालमा उपचारको क्रममा मृत्यु भएको जिल्ला प्रहरी कार्यालय पाल्पामा प्रवक्ता डीएसपी वीरेन्द्र थापाले बताए । प्रहरीले घटनाबारे अनुसन्धान सुरु गरेको जनाएको छ ।