नेकपा एसबाट प्रतिनिधिसभा १ को प्रदेशसभा ‘क’ मा पन्थी र ‘ख’ मा फैजलको नाम सिफारिस

मायादेवी अनलाइन, बाणगंगा ।
नेकपा (एकीकृत समाजवादी) ले प्रतिनिधिसभा १ को प्रदेशसभा ‘क’ र ‘ख’ मा उम्मेद्वारको नाम सिफारिस गरेको छ ।

समाजवादीले प्रदेशसभा ‘क’ मा दिपक पन्थी र प्रदेश सभा ‘ख’मा फैजल खानलाई सर्वसम्मत सिफारिस गरेको हो ।

पन्थी समाजवादीको जिल्ला सचिवालय सदस्य तथा बाणगंगा नगर कमिटी अध्यक्ष हुन् । लामो समय देखि बामपन्थी राजनीति गर्दै आएका पन्थी आयुर्वेदिक बैद्य हुन् ।

यता फैजल खान त्यस क्षेत्रका चर्चित नेता हुन् । ०७४ सालको निर्वाचनमा प्रदेशसभामा झिनो मतान्तरले पराजित भएका खान एकीकृत समाजवादीका सचिवालय सदस्य छन् ।

युवा माझ लोकप्रिय खान पूर्व नेपाली क्रिकेटर हुन् ।