कपिलवस्तुमा गुडिरहेको मोटरसाइकलबाट खसेर एक जनाको मृत्यु

मायादेवी अनलाइन, विजयनगर ।

कपिलवस्तुमा गुडिरहेको मोटरसाइकलबाट खसेर एक जनाको मृत्यु भएको छ । जिल्लाको विजयनगर गाउँपालिकामा बाइकबाट खसेर १ जनाको मृत्यु भएको हो ।

कृष्णनगर देखि चन्द्रौटा जाने क्रममा विजयनगर ५ जोगिनियामा मोटरसाइकलको पछाडी सवार ३५ वर्षका सेवकराम चौधरीको मृत्यु भएको ईलाका प्रहरी कार्यालय गणेशपुरले जनाएको छ ।

सेवकराम चौधरी कृष्णनगर भन्सार कार्यालयमा कार्यालय सहयोगी थिए । भारतीय मोटरसाइकलमा सवार २ जना मध्ये चालक कपिलवस्तु बाणगंगा ११ तेतियाका रहेका छन् भने मृतक को घर काठमाडौंमा रहेको प्रहरीले जनाएको छ । घटना बारे थप अनुसन्धान भईरहेको प्रहरी निरीक्षक विजय तिमिल्सिनाले बताउनु भएको छ ।