मायादेवी अनलाइन, बाणगंगा ।
कपिलवस्तुमा नेकपा (एकीकृत समाजवादी) बाट प्रतिनिधिसभा २ मा गीता अन्जान चुनाव लड्ने भएकी छिन् ।
पार्टीको केन्द्रीय परिषद सदस्य समेत रहेकी अन्जान आसन्न मंसीर ४ को निर्वाचनमा जिल्लाको प्रतिनिधिसभा २ बाट चुनाव लड्ने भएकी हुन् ।
उनको नाम जिल्लाबाट सर्वसम्मत सिफारिस भएको छ ।
विद्यार्थी राजनीतिबाट मूल धारको राजनीतिमा आएकी अन्जान पिएचडी गर्दै गरेकी बौद्धिक नेता हुन् ।
तिलौराकोट घर भएकी अन्जान नेकपा एस गठनमा सुरुवात देखिनै साथ दिएकी प्रमुख नेता हुन् ।
यस्तै प्रदेशसभा ‘क’ मा एमडी हसनको नाम सिफारिस भएको छ । हसन पार्टीका लुम्बिनी प्रदेश कमिटी सदस्य हुन् । उनी पनि सानै उमेर देखि कम्युनिष्ट आन्दोलनमा लागेका युवा नेता हुन् ।
प्रदेशसभा ‘ख’ मा हबिवुल्लाह खान सिफारिसमा परेका छन् । हालै मात्र नेकपा एसमा प्रवेश गरेका खान यस क्षेत्रमा प्रभाव छाड्ने नेता हुन् ।
प्रतिक्रिया