मायादेवी अनलाइन, जितपुर ।
हरितालिका तीज नजिकिएसंगै यतिबेला विभिन्न संघसंस्थाहरुले तीज विशेष कार्यक्रम गरेका छन् । अहिले दिनहुजसो संघ संस्थाले दर खाने तथा एकआपसमा शुभकामना आदानप्रदान गरेका हुन् । यसैक्रममा लायन्स क्लव अफ कपिलवस्तु दिदीबहिनीले पनि तीज विशेष कार्यक्रम गरेको छ ।
शनिबार क्लवले तीज मिलन तथा शुभकामना आदानप्रदान कार्यक्रम गरेको हो । कार्यक्रम क्लवकी संस्थापक अध्यक्ष तथा वर्ष २२÷२३ की जोन चीयर पर्सन लक्ष्मी गैरेको प्रमुख आतिथ्यता, निर्वतमान अध्यक्ष सबिता पौडेल सापकोटाको विशिष्ट आतिथ्यतामा भएको हो ।
क्लवकी अध्यक्ष सीता न्यौपानेको अध्यक्षता र क्लवकी द्धितिय उपाध्यक्ष रिता खनालको संचालनमा सम्पन्न भएको हो । कार्यक्रममा विभिन्न खेलसहित शुभकामना आदानप्रदान गरिएको थियो ।
प्रतिक्रिया