कपिलवस्तु शिवराजका प्रमुख प्रशासकीय अधिकृत अर्यालको सरुवा, गौतम आउने

मायादेवी अनलाइन, बाणगंगा ।
कपिलवस्तु शिवराज नगरपालिकाका प्रमुख प्रशासकीय अधिकृत गणेश प्रसाद अर्यालको सरुवा भएको छ ।

झण्डै दुई बर्ष अगाडी देखि शिवराजमा प्रमुख प्रशासकीय अधिकृतको रुपमा काम गर्दै आएका अर्यालको सुर्खेत सरुवा भएको हो ।

संघीय मामिला तथा सामान्य प्रशासन मन्त्रालयले विभिन्न निकायमा कार्यरत ३४ उपसचिवको सरुवा गरेको हो ।

यहीँ शिलशिलामा अर्याल सुर्खेतको गुर्भाकोट नगरपालिका सरुवा भएका हुन् ।

अर्याल सरुवा भएसंगै अब शिवराज नगरपालिकाको प्रमुख प्रशासकीय अधिकृतको रुपमा रमेश गौतम आउने भएका छन् । गौतम काठमाडौंको शंखरापुर नगरपालिकाबाट सरुवा भएर शिवराज आउने भएका हुन् ।