कपिलवस्तुमा दुई पुरुष मृत भेटिए

मायादेवी अनलाइन, जितपुर ।

कपिलवस्तुमा २ जना पुरुष मृत अवस्थामा फेला परेका छन् । यसरी मृत फेला पर्नेमा जिल्लाको बुद्धभुमि नगरपालिका २ बस्ने ४१ बर्षीय खड्क बहादुर ओली रहेको कपिलवस्तु प्रहरीले जनाएको छ । ओलीको शव गोरुसिंगे – पत्थरकोट जंगल स्थित भित्री पक्की सडक खण्डको किनारमा शनिबार दिउँसो पौने २ बजे फेला परेको प्रहरीले जनाएको छ ।

यस्तै कपिलवस्तुको महाराजगंज नगरपालिका १० मुजाहना स्थित नेपाल भारत सिमाना नजिकैको खेतमा पनी शनिबार अर्का पुरुष मृत भेटिएका छन् ।

यसरी मृत भेटिनेमा सोही ठाउँ बस्ने बर्ष ३८ का धन्नु धोवी रहेको प्रहरीले बताए । मृत अबस्थामा भेटिएका धोबीको सम्बन्धमा बुझ्दा निजले अत्याधिक मादक पदार्थ सेवन गर्ने गरेको प्रहरीले जनाएका छन् । शवलाई पोष्टमार्टमका लागी लगिएको र दुबै घटनाको अनुसन्धान जारी रहेको कपिलवस्तु प्रहरीले मायादेवी अनलाइनलाई बताए ।